Иң мөһим беҙҙең табышыбыҙ - ошо көндә, ошо быуатта бөйөк ҡобайырыбыҙ "Урал батыр" һаман да тере телдә йәшәп килә! Уның һөйләүсе Әсмә инәй Усманова, беҙҙең 83 йәштәге, танылған, данлыҡлы, яратҡан сәсәниәбеҙ, беҙгә һөйләгәндә уны: "Бына бөгөн мөғжизә һымаҡ ултырам -- барыһы иҫкә килеп төштө", -- тине. Һәм көйлө һамаҡтар менән "Урал батыр"ҙы һөйләп бирҙе. Ә беҙ һаман да "Урал батыр"ҙың көйө нисек булған тип, йомаҡ сисә инек...